இருண்ட நாட்கள் ...

நீ
எடுத்து வைத்த
அடிகள் எல்லாம்
என் இதயத்தில்
என்பதாலோ ....
விதிக்கும் சதிக்கும்
எனக்கு
வித்தியாசம்
தெரியாமல் போனது !!!...

நான் உருகுவது
தெரியாதது போல்
நீ
உன் பார்வையை
மாற்றிக்கொண்டதும் !!!...
என்
கண்களை காண
தயங்கி நிற்கையில்
உன் விழிகளில்
கண்ணீர் உறைந்ததும் !!!...
விதியாகிப்போனதுவோ !!!...

இன்று
என் இதயத்தில்
முகம் காண
துடிக்கிறாய் ...
முடியாது பெண்ணே ...
நேற்றைய தெளிந்த
நீரோடை அல்ல அது !!!...

உன்
கபடக்காதலை
அதில் நீயும்
கலக்கியதால் ...
காணாமல் போய்விட்டாய்
கண்ணே ...
என் மனமும்
கலங்கியதால் !!!....

சதியாக நீயும்
என்னில்
சதுரங்கம் ஆடி விட்டாய் !!!...
விதியாக நானும்
வீழ்ந்து விட்டேன்
வீதியிலே !!!...

என்
இதயத்தில் சாய்ந்து
இருட்டாக்கி சென்றவளே !!!...
அணைந்து விட்டாலும்
தழும்பாய்
இன்றும் நீ
தங்கி நிற்கிறாய்

என்னுள்ளே ..

பைத்தியமாய் ...

என் கனவு....

என் இரவுகளை
நீ சிறை பிடித்ததால்
என் கனவுகள்
களவாடப்பட்டு விட்டன !!!...
விடுதலைக்கு
இன்றும் என்விழிகள்
சாட்சி கூண்டில் ...

என் ஆசைகள் ...

அழகாய் இருக்கிறதடி
உன் வாசல் கோலங்கள்...
புள்ளிகளாய் நீயும்
என் ஆசைகளை
வைப்பதாலோ !!!...
நசுங்கித்தான் போனதடி
அதுவும்
உன் வீட்டு நாய்குட்டி
முதல் பால்காரன் வரை
பாதங்கள் பட்டு !!!..

என் நினைவுகள் ....

மறந்துவிடு
எனச்சொல்லி
நீ எறிந்த கல்லில்
உடைந்து விட்டது ...
கண்ணாடியாய் !!!...
ஓராயிரம்
உன் பிம்பங்கள்
உடைந்த துண்டுகளில்
உட்கார்ந்து கொண்டு
இன்றும்
கீறுகின்றன...
என் இதயத்தை !!!...

என் சிரிப்பு ...

அதை எடுத்து நீயும்
வீதியில் எறிந்ததால்
எனை பார்த்தாலே
அள்ளி தருகிறார்கள்
அனைவரும் எனக்கு...
என்ன செய்ய ...
நானும் தெரிகிறேனே
பைத்தியமாய் !!!...
அவர்களுக்கும் ...

இனிய நட்பு ,...

என் இனிய தோழியே ...
நினைவிருக்கிறதா உனக்கு...
நமது அறிமுக நாட்கள் ...
ஆனந்தமாய் ..ஆர்பாடமாய்...

நானும் ஆமை வேகத்தில்
நீயோ அதிவேக புகைவண்டியாய்..

நல்ல நண்பர்களாய் நாமும்
நெகிழாத நாளும் உண்டோ

தொலைவில் இருக்கும் உனை

தொடர்ந்து வந்திடவே

தொலைபேசி உதவி அது
தொடர்கதையாய் தொடர்கிறதே

இன்பங்களை மட்டுமே

என்னவள்க்கு சொந்தமாக்கி

துன்பமது வரும்போது நெஞ்சம்

துணையாக உனை தேடும்

கனமான கவலைகளில் நானும்

கால் இடறி வீழ்வதில்லை

தோள் கொடுக்க நீயும் வந்து

தோழியாக நிற்பதனால் ...

இறந்த கால ஏமாற்றங்கள்

எத்தனையோ எந்தன் உள்ளில் ...

துவண்டு போன மனதோடே

இருளாக இருந்த எனை ..

விளக்குடனே நீயும் வந்து

வெளிச்சமாக பாதை தந்தாய்..

தோழி நீயும் கிடைததிலே ..

தலைகனமே எனக்கும் கொஞ்சம் ...

இதயத்தின் தோட்டத்தில்

நட்புதனை பயிர் செய்வோம் ...

காவல் காப்போம் காத்திருந்து

காலமெலாம் அது பூக்கட்டுமே ...

அபலையாக...

சுகமான குயில்நாதம்

சோகமாக வரக்கண்டேன் ...

ஏகாந்த வேளை அது ...

ஏறெடுத்து பார்த்திட்டேன் ...

ஆதரவாய் செவிசாய்த்தே...

அருமை குயில் கதைகேட்டேன் ...

கானக்குயில் வார்த்தையிலே

கதைகள் எல்லாம் கண்ணீராய் !!!...

சின்ன சின்ன ஆசைக்களும் ...

சிறிதான கனவுகளும் ...

பூத்திடவே தவம் செய்த

ஜோடிக்குயில் மறைந்த கதை !!!...

அன்றொருநாள் இரை தேட

ஆண்குயிலும் போனவேளை

அடங்காத பசியோடே

ஆர்பரித்த காட்டு தீயும் ...

கண்ணிமைக்கும் நொடியினிலே

எரிந்துபோன மாயம் என்ன ..

என்னவளின் கனவுகளும்

இமைமூடா நினைவுகளும் !!!...

சொன்னதுவே சோகமாக

ஆண்குயிலும் அழுகையோடே ...

கடந்துபோன இன்பங்களும் ..

விரகத்தின் துன்பங்களும்...

துணையாகி போனதுவே

ஆண்குயிலின் இரவுகளில் ....

வசந்தங்கள் வந்திடலாம் ...

பூக்களதும் பூத்திடலாம் ....

மறந்துவிட முடிந்திடுமோ

குயிலதனின் முதல்ராகம் !!!...

இதமாக தலை சாய்க்க
இடம் கொடுத்தேன் என்மடியில்...
அதன் கார்விலகி கவலைமாற
கடவுளிடம் தொழுது நின்றேன்

அபலையாக...

உறங்காத மௌனம் ...

இதயத்தின்

இதழ்களை

இதமாக வருடி,....

அலை அலையாய்

கேள்விகள்

அடங்காமல் எழ ,...

பதில் ஒன்றும் சொல்லாமல்

எங்கே மறைந்தாய் ?....

என் உயிரே,...

ஆயிரம்

கரங்கள் கொண்டு

அணைக்க துடிக்கிறதே

சோகம் ,...

சூரிய கதிர்களாய்

மனதை ,...

கவிதை மழை

பனியாய் தழுவ

தேடி தேடி....

தேங்குதே நெஞ்சம்

பூஞ்சோலையாம் !!!...

உனை காண ,..

அலைபாயும்

காற்றாய்

என் துயரம்,...

ஆதரவாய் இன்றும்

உறங்காத

உன் மௌனம் ,...